¿QUÉ E BENESTARGALIZA.ORG?
www.benestargaliza.org
www.benestargaliza.org nace como canal de participación durante o proceso de elaboración dunha nova lei de servizos sociais. A partir dun
Documento de Bases, que posibilite unha clara comprensión dos obxectivos e actuacións propostas para o desenvolvemento dun novo sistema de servizos sociais, queremos que se estableza un proceso de reflexión conxunto coa sociedade galega.
A participación dos axentes económicos e sociais configúrase como o instrumento axeitado para o necesario proceso de enriquecemento técnico, un proceso de abaixo-arriba que permita opinar a aquelas persoas e institucións que están máis preto dos problemas e polo tanto, aqueles e aquelas que deben participar na procura de solucións eficientes e axeitadas as diferentes necesidades e situacións específicas. A
participación social no desenvolvemento normativo é así mesmo un mecanismo básico dos novos sistemas de xestión públicos baseados na Gobernanza.
O través da presente web, todas as persoas e entidades que o desexen poderán participar neste proceso de
elaboración da lei, formulando as súas consideracións as diferentes bases nas que se articula o Documento, ou formular calquera aclaración ou consideración que considere de interese para o desenvolvemento dos Servizos Sociais en Galiza.
